ವಿಜೃಂಭಣೆಯಿಂದ ಜರುಗಿದ ಗ್ರಾಮದೇವತೆ ಶ್ರೀ ದ್ಯಾಮಾಂಬಿಕಾ ದೇವಿ ಜಾತ್ರಾ ಮಹೋತ್ಸವ

ಯಲಬುರ್ಗಾ ಪಟ್ಟಣದ ಶ್ರೀ ಗ್ರಾಮದೇವತೆ ಶ್ರೀ ದ್ಯಾಮಾಂಬಿಕಾದೇವಿ ಜಾತ್ರಾ ಮಹೋತ್ಸವ

ಯಲಬುರ್ಗಾ : ಕೊಪ್ಪಳ ಜಿಲ್ಲೆ ಯಲಬುರ್ಗಾ ಪಟ್ಟಣದ ಗ್ರಾಮದೇವತೆ ಶ್ರೀ ದ್ಯಾಮಾಂಬಿಕಾ ದೇವಿಯ ಮೊದಲ ದಿನದ ಜಾತ್ರಾ ಮಹೋತ್ಸವ ವಿಜೃಂಭಣೆಯಿಂದ ನಡೆಯಿತು. 

ಪ್ರತಿ ಮೂರು ವರ್ಷಗಳಿಗೊಮ್ಮೆ ನಡೆಯುವ ಗ್ರಾಮ ದೇವತೆ ಜಾತ್ರೆಯನ್ನ ಪಟ್ಟಣದ ಭಕ್ತರು ಅತ್ಯಂತ ಉತ್ಸಾಹದೊಂದಿಗೆ ಸಕಲ ವಾದ್ಯಗಳ ಮೂಲಕ ಅದ್ದೂರಿಯಾಗಿ ಸ್ವಾಗತ ಮಾಡುತ್ತ ದೇವಿಯ ಉತ್ಸವ ಮೂರ್ತಿಯನ್ನು ಪಟ್ಟಣದ ತುಂಬಾ ಮೆರವಣಿಗೆ ಮಾಡಿದರು.

ಬೆಳಗ್ಗೆ 9.00 ಗಂಟೆಗೆ ಗ್ರಾಮದೇವತೆ ಶ್ರೀ ದ್ಯಾಮಂಬಿಕಾ ದೇವಿಯ ಉತ್ಸವ ಮೂರ್ತಿಯನ್ನು ದೇವಸ್ಥಾನದಿಂದ ಮೆರವಣಿಗೆ ಮೂಲಕ ಹೊರಡಿಸಿಕೊಂಡು ಪದ್ಧತಿಯಂತೆ ಕೊಂಡದ ಬಾವಿಗೆ ಬಂದು ಗ್ರಾಮದೇವತೆ ದ್ಯಾಮಾಂಬಿಕಾ ದೇವಿಗೆ ಸ್ನಾನ, ಪೂಜೆ ನಡೆಯಿತು.

ನಂತರ ಬಳೆಗಾರ ಮನೆಗೆ ಹೋಗಿ ಗ್ರಾಮ ದೇವತೆಗೆ ಬಳೆ ತೊಡಿಸುವ ಕಾರ್ಯಕ್ರಮ, ನಂತರ ಹೂಗಾರ ಮನೆಗೆ ಬಂದ ದೇವಿಯು ಹೂ, ದಂಡಿ ಮುಡಿಸಿಕೊಂಡು ನಂತರ ಶಂಕರಗೌಡರ ಮನೆಗೆ ಬಂದು ಕುಳಿತ ಗ್ರಾಮ ದೇವತೆಗೆ ಪೂಜೆ ಉಡಿ ತುಂಬುವ ಕಾರ್ಯಕ್ರಮ ನಡೆಯಿತು.

ಅಲ್ಲಿಂದ ಹೊರಟ ಗ್ರಾಮ ದೇವತೆಯು ಶ್ಯಾನಭೋಗರ ಮನೆಯ ಮುಂದೆ ಪೂಜೆ ಉಡಿ ತುಂಬುವ ಕಾರ್ಯಕ್ರಮ ಜರುಗಿತು.

ನಂತರ ಅಂದಾನಗೌಡ ಉಳ್ಳಾಗಡ್ಡಿಯವರ ಮನೆಯಲ್ಲಿ ಪೂಜಾ ಹಾಗೂ ಉಡಿ ತುಂಬುವ ಕಾರ್ಯಕ್ರಮ ಜರುಗಿತು.

ವೀರನಗೌಡ ಮೇಟಿಯವರ ಮನೆ

ನಾಗಪ್ಪನ ಕಟ್ಟೆ,

ಬ್ರಮರಾಂಬ ನಗರ, 

ಬಸವರಾಜ ಕಜ್ಜಿಯವರ ಮನೆ,

ಯಮನೂರಪ್ಪ ನಡುವಿನ ಮನಿಯವರ ಮನೆ,

 ಕಲಬುರ್ಗಿಯವರ ಮನೆ

 ಹಾಗೂ  ಶಿವಣ್ಣ ಭೂತೆಯವರ ಮನೆ

ಶರಣಪ್ಪ ಭೂತೆಯವರ ಮನೆ ಬಸಲಿಂಗಪ್ಪ ಭೂತೆಯವರ ಮನೆಗಳಿಗೆ ಹೋಗಿ ಪೂಜೆ ಉಡಿತುಂಬುವ ಕಾರ್ಯಕ್ರಮ ಜರುಗಿತು. 

ನಂತರ ಮಧ್ಯಾಹ್ನ ಶ್ರೀ ರೇಣುಕಾ ಎಲ್ಲಮ್ಮ ದೇವಸ್ಥಾನದಲ್ಲಿ ಪೂಜೆ ಉಡಿತುಂಬುವ ಕಾರ್ಯಕ್ರಮ ನೆರವೇರಿಸಿ ಭಕ್ತರೆಲ್ಲರೂ ಅನ್ನಪ್ರಸಾದ ಮುಗಿಸಿದ ನಂತರ ದೇವಿಯ ಉತ್ಸವ ಮೂರ್ತಿಯ ಮೆರವಣಿಗೆಯನ್ನು ಶ್ರೀ ಬಸವಣ್ಣ ದೇವಸ್ಥಾನ

 ಹಾಗೂ ಇನ್ನೂ ಅನೇಕ ಭಕ್ತರ ಮನೆಯ ಮುಂದೆ ಸಾಗುತ್ತಾ ದೇವಿಯು ಪೂಜೆ ಉಡಿ ತುಂಬಿಸಿಕೊಳ್ಳುತ್ತ ಗ್ರಾಮದೇವತೆ ದ್ಯಾಮಾಂಬಿಕಾ ದೇವಿಯು ರಾತ್ರಿ 8:00 ಸಮಯಕ್ಕೆ ಶ್ರೀ ವಿಜಯದುರ್ಗಾದೇವಿ ದೇವಸ್ಥಾನಕ್ಕೆ ಬಂದು ವಾಸ್ತವ್ಯ ಮಾಡಿದಳು

ನಂತರ ಭಕ್ತ ಸಮೂಹವೆಲ್ಲ ಪೂಜೆ ಉಡಿ ತುಂಬುವ ಕಾರ್ಯಕ್ರಮ ಮುಗಿಸಿದ ನಂತರ ಅನ್ನಪ್ರಸಾದ ಜರುಗಿತು.

ಈ ಸಂದರ್ಭದಲ್ಲಿ ಪಟ್ಟಣದ ಅನೇಕ ಹಿರಿಯರು ,ಗಣ್ಯರು, ರಾಜಕೀಯ ಮುಖಂಡರು, ಶ್ರೀ ದ್ಯಾಮಾOಬಿಕಾ ದೇವಿ ದೇವಸ್ಥಾನದ ಕಮಿಟಿಯ ಅಧ್ಯಕ್ಷರು, ಸದಸ್ಯರು ಹಾಗೂ ಸುತ್ತಮುತ್ತಲಿನ ಗ್ರಾಮದ ಭಕ್ತರೆಲ್ಲರೂ ಉತ್ಸವ ಮೂರ್ತಿಯ ಮೆರವಣಿಗೆಯಲ್ಲಿ ಭಾಗವಹಿಸಿದ್ದರು.

              ನಿರ್ಭಯ ನ್ಯೂಸ್ ಕನ್ನಡ

                  "ಇದು ಪ್ರಜಾ ಧ್ವನಿ"